పార్వతీ పరమేశ్వరులను దర్శించటానికి అనేక మంది తాపసులు కైలాసానికి వచ్చారట. అందులో దిగంబర ఋషులు ఉండటంతో సుబ్రహ్మణ్యేశ్వర స్వామి హేళనగా నవ్వాడు, దానికి పార్వతిదేవి కుమారుని మందలించి, మర్మాంగాలు సృష్టి వృద్ధికోసం సృష్టి౦చినవి, జాతికి జన్మ స్థానాలని తెలియజెప్పింది. తల్లి జ్ఞానబోధతో సుబ్రహ్మణ్యేశ్వర స్వామి సర్ప రూపం దాల్చి పాప పరిహారం కోసం తపస్సు ప్రారంభించాడు. జీవ కణాలు పాముల్లా ఉంటాయని మనకు తెలిసిందే. ఆ తరువాత వాటికి అధిపతి అయ్యాడు. సంతానంలేని దంపతులకు సంతానం సుబ్రహ్మణ్యేశ్వర స్వామిని కొలవటం ద్వారా కలుగుతుందనేది శాస్త్రవచనం.