తిరుత్తణి నివాసాయ దివ్యాయ పరమాత్మనే!
దేవసేనా సమేతాయ వల్లీశాయాస్తు మంగళమ్!!
Tiruttaṇi nivāsāya divyāya paramātmanē!
Dēvasēnā samētāya vallīśāyāstu maṅgaḷam!!

కార్తికేయాయ మహతే శరకాననశాయినే!
తారకాసుర నాశాయ షణ్ముఖాయాస్తు మంగళమ్!!

Kārtikēyāya mahatē śarakānanaśāyinē!
Tārakāsura nāśāya ṣaṇmukhāyāstu maṅgaḷam!!

పూర్ణచంద్ర నిభాస్యాయ పూర్ణశక్తి స్వరూపిణే!
పూర్ణాయ పూర్ణరూపాయ సుబ్రహ్మణ్యాయ మంగళమ్!!

Pūrṇachandra nibhāsyāya pūrṇaśakti svarūpiṇē!
Pūrṇāya pūrṇarūpāya subrahmaṇyāya maṅgaḷam!!

పరస్మై పరరూపాయ పరమేశ సుతాయ తే!
పరాత్పరాయ పారాయ సుబ్రహ్మణ్యాయ మంగళమ్!!

Parasmai pararūpāya paramēśa sutāya tē!
Parātparāya pārāya subrahmaṇyāya maṅgaḷam!!

ఉమా సుతాయ సర్వార్థఫలదాయ స్వయంభువే!
భక్తాధీనాయ విభవే సుబ్రహ్మణ్యాయ మంగళమ్!!

Umā sutāya sarvārthaphaladāya svayambhuvē!
Bhaktādhīnāya vibhavē subrahmaṇyāya maṅgaḷam!!

సుబ్రహ్మణ్యాయ శూరాయ సుందరాయ సురోచిషే!
సుస్థిరాయ సురేశాయ షణ్ముఖాయాస్తు మంగళమ్!!

Subrahmaṇyāya śūrāya sundarāya surōchiṣē!
Susthirāya surēśāya ṣaṇmukhāyāstu maṅgaḷam!!

శరదుత్ఫుల్ల పద్మాభ నేత్రాయ శివదాయినే!
గాంగేయాయ సుశీలాయ వల్లీశాయాస్తు మంగళమ్!!

Śaradutphulla padmābha nētrāya śivadāyinē!
Gāṅgēyāya suśīlāya vallīśāyāstu maṅgaḷam!!

గుహాయ గుహ్యరూపాయ గణనాథాయ జాయతే!
గీతజ్ఞాయ గుణాడ్యాయ సుబ్రహ్మణ్యాయ మంగళమ్!!

Guhāya guhyarūpāya gaṇanāthāya jāyatē!
Gītajñāya guṇāḍyāya subrahmaṇyāya maṅgaḷam!!

నిర్వికారాయ శూరాయ నిర్జితాఖిల శత్రవే!
నిర్మోహాయ సురూపాయ షణ్ముఖాయాస్తు మంగళమ్!!

Nirvikārāya śūrāya nirjitākhila śatravē!
Nirmōhāya surūpāya ṣaṇmukhāyāstu maṅgaḷam!!

సంసార దుస్తరాంభోధి పోతాయ భవసూనవే!
రామమూర్తి సుపాలాయ సుబ్రహ్మణ్యాయ మంగళమ్!!

Sansāra dustarāmbhōdhi pōtāya bhavasūnavē!
Rāmamūrti supālāya subrahmaṇyāya maṅgaḷam!!

అచింత్యశక్త యే మత్త దుష్టతారకహారిణే!
మహతే మహనీయాయ సుబ్రహ్మణ్యాయ మంగళమ్!!

Achintyaśakta yē matta duṣṭatārakahāriṇē!
Mahatē mahanīyāya subrahmaṇyāya maṅgaḷam!!

అశేషభాగ్య సంధాత్రే ఆడ్యాయ గుణశాలినే!
గుణాతీతాయ గురవే షణ్ముఖాయాస్తు మంగళమ్!!

Aśēṣabhāgya sandhātrē āḍyāya guṇaśālinē!
Guṇātītāya guravē ṣaṇmukhāyāstu maṅgaḷam!!

ఆర్తిహరాయ ఆనంద ఫలదాయ మహాత్మనే!
ఆపన్న జనరక్షాయ వల్లీశాయాస్తు మంగళమ్!!

Ārtiharāya ānanda phaladāya mahātmanē!
Āpanna janarakṣāya vallīśāyāstu maṅgaḷam!!

కూతస్థాయ కుభ్రుద్భేదకారిణే శుభరూపిణే!
మోహాంధకార రవయే సుబ్రహ్మణ్యాయ మంగళమ్!!

Kūtasthāya kubhrudbhēdakāriṇē śubharūpiṇē!
Mōhāndhakāra ravayē subrahmaṇyāya maṅgaḷam!!

సద్భక్త పారిజాతాయ సత్యమార్గరతాయతే!
సజ్జనావన దీక్షాయ వల్లీశాయాస్తు మంగళమ్!!

Sadbhakta pārijātāya satyamārgaratāyatē!
Sajjanāvana dīkṣāya vallīśāyāstu maṅgaḷam!!

సుందరయ సుశీలాయ సుస్థిరాయ శుభాత్మనే!
శోకమోహ వినాశాయ సుబ్రహ్మణ్యాయ మంగళమ్!!

Sundaraya suśīlāya susthirāya śubhātmanē!
Śōkamōha vināśāya subrahmaṇyāya maṅgaḷam!!

నిత్యాయ నిరవద్యాయ నిరీహాయ గుహాయతే!
నిరాకారాయ భద్రాయ షణ్ముఖాయాస్తు మంగళమ్!!

Nityāya niravadyāya nirīhāya guhāyatē!
Nirākārāya bhadrāya ṣaṇmukhāyāstu maṅgaḷam!!

పురాణాయ పరబ్రహ్మ స్వరూపాయ పరాత్మనే!
పరస్మై పుణ్యరూపాయ సుబ్రహ్మణ్యాయ మంగళమ్!!

Purāṇāya parabrahma svarūpāya parātmanē!
Parasmai puṇyarūpāya subrahmaṇyāya maṅgaḷam!!

స్వర్వాసిజన పూజ్యాయ సర్వసంకట హారిణే!
పరమానందరూపాయ సుబ్రహ్మణ్యాయ మంగళమ్!!

Svarvāsijana pūjyāya sarvasaṅkaṭa hāriṇē!
Paramānandarūpāya subrahmaṇyāya maṅgaḷam!!

సకలాగమ సందోహ సూక్తిగమ్య స్వరూపిణే!
విశ్వరూపాయ విశ్వస్మై షణ్ముఖాయాస్తు మంగళమ్!!

Sakalāgama sandōha sūktigamya svarūpiṇē!
Viśvarūpāya viśvasmai ṣaṇmukhāyāstu maṅgaḷam!!

ధన్యాయ ధర్మరూపాయ ధర్మాధ్యక్షాయ వేధసే!
పాపఘ్నాయ పరేశాయ సుబ్రహ్మణ్యాయ మంగళమ్!!

Dhan’yāya dharmarūpāya dharmādhyakṣāya vēdhasē!
Pāpaghnāya parēśāya subrahmaṇyāya maṅgaḷam!!

సురాసుర కిరీటస్థ మణిఘ్రుష్ట పదాంబుజః!
శివస్య మంత్రదాత్రే తే షణ్ముఖాయాస్తు మంగళమ్!!

Surāsura kirīṭastha maṇighruṣṭa padāmbujaḥ!
Śivasya mantradātrē tē ṣaṇmukhāyāstu maṅgaḷam!!

        ****** సర్వం శ్రీవల్లీదేవసేనాసమేత శ్రీసుబ్రహ్మణ్యేశ్వరార్పణమస్తు ******
        ****** Sarvaṁ śrīvallīdēvasēnāsamēta śrīsubrahmaṇyēśvarārpaṇamastu ******