“శ్రీ స్కంద స్తోత్రమ్ (మహాభారతం)” వినుటకు, ► గుర్తు ఉన్న బొమ్మ మీద క్లిక్ చేయగలరు (Please click here to listen the Stotram):

Link

Embed

Copy and paste this HTML code into your webpage to embed.

స్తోత్రము (MP3) కావలసిన వారు ఈ దిగువ లింకు మీద క్లిక్ చేసి డౌన్లోడ్ చేసుకోవచ్చు(Please click here to download the Stotram): శ్రీ స్కంద స్తోత్రమ్ – మహాభారతం (Sri Skanda Stotram – Mahabharatam MP3)

స్తోత్రము (Lyrics) కావలసిన వారు ఈ దిగువ లింకు మీద క్లిక్ చేయండి (Please click here for downloading the Stotram Lyrics): శ్రీ స్కంద స్తోత్రమ్ – మహాభారతం (Sri Skanda Stotram – Mahabharatam Lyrics)

మార్కండేయ ఉవాచ |

ఆగ్నేయశ్చైవ స్కందశ్చ దీప్తకీర్తిరనామయః |
మయూరకేతుర్ధర్మాత్మా భూతేశో మహిషార్దనః || 1 ||

కామజిత్కామదః కాంతః సత్యవాగ్భువనేశ్వరః |
శిశుః శీఘ్రః శుచిశ్చండో దీప్తవర్ణః శుభాననః || 2 ||

అమోఘస్త్వనఘో రౌద్రః ప్రియశ్చంద్రాననస్తథా |
దీప్తశక్తిః ప్రశాంతాత్మా భద్రకృత్కూటమోహనః || ౩ ||

షష్ఠీప్రియశ్చ ధర్మాత్మా పవిత్రో మాతృవత్సలః |
కన్యాభర్తా విభక్తశ్చ స్వాహేయో రేవతీసుతః || 4 ||

ప్రభుర్నేతా విశాఖశ్చ నైగమేయః సుదుశ్చరః |
సువ్రతో లలితశ్చైవ బాలక్రీడనకప్రియః || 5 ||

ఖచారీ బ్రహ్మచారీ చ శూరః శరవణోద్భవః |
విశ్వామిత్రప్రియశ్చైవ దేవసేనాప్రియస్తథా |
వాసుదేవప్రియశ్చైవ ప్రియః ప్రియకృదేవ తు || 6 ||

నామాన్యేతాని దివ్యాని కార్తికేయస్య యః పఠేత్ |
స్వర్గం కీర్తిం ధనం చైవ స లభేన్నాత్ర సంశయః || 7 ||

స్తోష్యామి దేవైరృషిభిశ్చ జుష్టం
శక్త్యా గుహం నామభిరప్రమేయమ్ |
షడాననం శక్తిధరం సువీరం
నిబోధ చైతాని కురుప్రవీర || 8 ||

బ్రహ్మణ్యో వై బ్రహ్మజో బ్రహ్మవిచ్చ
బ్రహ్మేశయో బ్రహ్మవతాం వరిష్ఠః |
బ్రహ్మప్రియో బ్రాహ్మణసర్వమంత్రీ త్వం
బ్రహ్మణాం బ్రాహ్మణానాం చ నేతా || 9 ||

స్వాహా స్వధా త్వం పరమం పవిత్రం
మంత్రస్తుతస్త్వం ప్రథితః షడర్చిః |
సంవత్సరస్త్వమృతవశ్చ షడ్వై
మాసార్ధమాసాశ్చ దినం దిశశ్చ || 10 ||

త్వం పుష్కరాక్షస్త్వరవిందవక్త్రః
సహస్రచక్షోఽసి సహస్రబాహుః |
త్వం లోకపాలః పరమం హవిశ్చ
త్వం భావనః సర్వసురాసురాణామ్ || 11 ||

త్వమేవ సేనాధిపతిః ప్రచండః
ప్రభుర్విభుశ్చాప్యథ శత్రుజేతా |
సహస్రభూస్త్వం ధరణీ త్వమేవ
సహస్రతుష్టిశ్చ సహస్రభుక్చ || 12 ||

సహస్రశీర్షస్త్వమనంతరూపః
సహస్రపాత్త్వం దశశక్తిధారీ |
గంగాసుతస్త్వం స్వమతేన దేవ
స్వాహామహీకృత్తికానాం తథైవ || 13 ||

త్వం క్రీడసే షణ్ముఖ కుక్కుటేన
యథేష్టనానావిధకామరూపీ |
దీక్షాఽసి సోమో మరుతః సదైవ
ధర్మోఽసి వాయురచలేంద్ర ఇంద్రః || 14 ||

సనాతనానామపి శాశ్వతస్త్వం
ప్రభుః ప్రభూణామపి చోగ్రధన్వా |
ఋతస్య కర్తా దితిజాంతకస్త్వం
జేతా రిపూణాం ప్రవరః సురాణామ్ || 15 ||

సూక్ష్మం తపస్తత్పరమం త్వమేవ
పరావరజ్ఞోఽసి పరావరస్త్వమ్ |
ధర్మస్య కామస్య పరస్య చైవ
త్వత్తేజసా కృత్స్నమిదం మహాత్మన్ || 16 ||

వ్యాప్తం జగత్సర్వసురప్రవీర
శక్త్యా మయా సంస్తుత లోకనాథ |
నమోఽస్తు తే ద్వాదశనేత్రబాహో
అతః పరం వేద్మి గతిం న తేఽహమ్ || 17 ||

స్కందస్య య ఇదం విప్రః పఠేజ్జన్మ సమాహితః |
శ్రావయేద్బ్రాహ్మణేభ్యో యః శృణుయాద్వా ద్విజేరితమ్ || 18 ||

ధనమాయుర్యశో దీప్తం పుత్రాఞ్శత్రుజయం తథా |
స పుష్టితుష్టీ సంప్రాప్య స్కందసాలోక్యమాప్నుయాత్ || 19 ||

ఇతి శ్రీమన్మహాభారతే అరణ్యపర్వణి స్కంద స్తోత్రమ్ సంపూర్ణం|

****** సర్వం శ్రీవల్లీదేవసేనాసమేత శ్రీసుబ్రహ్మణ్యేశ్వరార్పణమస్తు ******
****** Sarvaṁ śrīvallīdēvasēnāsamēta śrīsubrahmaṇyēśvarārpaṇamastu ******