I salute Skanda, the son of Lord Shiva, Who has six heads and is the son of Parvathi, Who broke in to pieces the Krouncha mountain, And who is the God who was the commander of Deva armies.
I salute Skanda, the son of Lord Shiva, Who killed the asura called Tharaka, Who travels on his steed, the peacock, And who is the God armed with Shakthi.
I salute Skanda, the son of Lord Shiva, Who is the God who is the darling of Shiva, Who rose from the body of Lord Shiva, Who is a lover, giver of boons and stealer of mind.
I salute Skanda, the son of Lord Shiva, Who is a lad visible to great sages. As sacred joy in their mind, Who is consort of Valli and the progenitor of the world.
I salute Skanda, the son of Lord Shiva, Who causes the final deluge, Who is the God who recreates the world, Who likes his devotees and is greatly exuberant.
I salute Skanda, the son of Lord Shiva, Who was born in Visakha and is the lord, Of all beings, is the son of Kruthika stars, Who is forever child and has a tuft.
****** ఇతి శ్రీ శంకర భగవత్పాద విరచిత శ్రీ సుబ్రహ్మణ్య భుజంగ ప్రయాత స్తోత్రం సంపూర్ణమ్ (This is the end of Sri Subrahmanya Bhujanga Prayata Stotram ******
****** -: ఎలా డౌన్లోడ్ చేసుకోవచ్చు? (How to Download the MP3?) ******
మొబైల్ ద్వారా (Using Mobile):
Click on “More actions” (Top right corner “:” symbol) -> click on “Download”
లాప్టాప్ ద్వారా (Using Laptop):
Click on “Download” symbol.
సుబ్రహ్మణ్య తత్వానికి స్వరూపం భుజంగ ప్రయాతం. భుజంగ ప్రయాతం అంటే సర్పము వంటి నడక కలిగిన వృత్తం అని అర్థం. సుబ్రహ్మణ్యుని సర్పరూపంలో ఆరాదించడం పరిపాటి. ఆది శంకర భగవత్పాదులు రచించిన సుబ్రహ్మణ్య భుజంగ స్తోత్రం ఆధారంగా వివిధ పురాణాల్లో, ఆగమాల్లో, వివిధ స్తోత్త్రాల్లో నున్న సుబ్రహ్మణ్య వైభవాన్ని సమన్వయిస్తూ సాగేదే ఈ ప్రవచనం.
శివ పరివారమంతా ఒకే మూర్తిలో నెలకొన్న శ్రీ సుబ్రహ్మణ్యేశ్వరస్వామి దేవస్ధానము పంపనూరు, అనంతపురం జిల్లాలో ఉన్నది.
స్ధల పురాణం ప్రకారం ఈ ప్రదేశంలో పూర్వకాలంలో మునులు తపస్సు చేసుకుంటూవుండేవాళ్ళు. అందుకనే ఈ ప్రాంతాన్ని తపోవనం అనేవారు. 500 ఏళ్ళ క్రితం, శ్రీకృష్ణదేవరాయలు విజయనగర సామ్రాజ్యాన్ని పాలించిన సమయంలో వ్యాసరాయలువారిచే ఈ దేవాలయం నిర్మించబడినది. తర్వాత కాలంలో సరైన ఆదరణ లేక శిధిలమయింది. పైగా దుండగులు ఆలయంలో నిధులున్నాయని తవ్వి పోశారు. క్రీ.శ. 1980 –90 మధ్య ఆ గ్రామస్తులు ఆలయంలో పూజాదికాలు నిర్వహించటానికి ఆత్మకూరు ఉన్నత పాఠశాలలో ప్రధానోపాధ్యాయునిగా పనిచేస్తున్న కీ.శే. వి. మధుసూదన శాస్త్రిగారిని తీసుకొచ్చారు. పూజ నిర్వహించటానికి వచ్చిన శాస్త్రిగారు మూలవిరాట్ ని చూసి ఆశ్చర్యపోయారు. అందులోని విశిష్టతని గుర్తించి అక్కడకు వచ్చినవారికి స్వామి తేజోరూపాన్ని, అలాంటి స్వామిని పూజిస్తే కలిగే ప్రభావాన్ని తెలిపారు.
ఆ రోజు రాత్రి కలలో సుబ్రహ్మణ్యస్వామి సర్పరూపంతో సాక్షాత్కరించి, పంపనూరు దేవస్ధానంలో తనకు నిత్యపూజలుచేసి, నైవేద్యాలు సమర్పించి అన్నదానము చేస్తే భక్తులను అనుగ్రహిస్తానని చెప్పారు. తెల్లవారిన తర్వాత రాత్రి వచ్చిన కల దైవసంకల్పంగా భావించి, పంపనూరు వచ్చి అక్కడివారికి ఆ కల గురించి చెప్పారు. తర్వాత అక్కడి పెద్దలను, గ్రామస్తులను కలుపుకుని విరాళాలు సేకరిస్తూ, వాటితో ప్రతి ఆదివారం (శాస్త్రిగారికి సెలవురోజు) పూజకు, అన్నదానానికి కావలసిన సరుకులు తీసుకువచ్చి, స్వామికి శ్రధ్ధగా పూజలు, అభిషేకాలు నిర్వహించి, అన్నదానం జరిపేవారు. భజనలు చేసేవారు. వారి పూజలకి సంతృప్తి చెందిన స్వామి కొలిచే భక్తులకు కొంగు బంగారమై తన మహిమలను చూపించసాగాడు.
క్రమక్రమంగా స్వామి మహత్యం నలుమూలలా తెలిసి దూర ప్రాంతాలనుంచి కూడా భక్తులు రాసాగారు. ముఖ్యగా వివాహం కానివారు, సంతానం లేనివారు, జాతకంలో సర్పదోషం వున్నవారు, గ్రహ గతి సరిగ్గాలేనివారు ఇక్కడికి వచ్చి 9 లేక 11 మంగళవారాలుకానీ, ఆదివారాలుకానీ స్వామిని పూజించి, 108 ప్రదక్షిణలు చేస్తే వారి కోరిక నెరవేరుతుందని భక్తుల నమ్మకం. భక్తుల రాక అధికం కావటంతో దేవాలయమూ అభివృధ్ధి చెందుతూ వస్తోంది. 2004 సం. లో శ్రీ గణపతి సచ్చిదానంద స్వామివారి ఆశీస్సులతో సుబ్రహ్మణ్యేశ్వరస్వామి తల్లిదండ్రులైన శివ పార్వతులను స్వామి పక్కనే రెండు ఉపాలయాలలో ప్రతిష్టించారు. అప్పటినుంచీ, పక్క రాష్ట్రాలనుంచి కూడా భక్తుల రాక అధికమైంది. ఈ ఆలయం మరీ పెద్దదేమీకాదు. అద్భుతమైన శిల్పకళ లేదు. కానీ ఇందులో వున్న అద్భుతమంతా మూలవిరాట్ లోనే. సుబ్రహ్మణ్యేశ్వరస్వామి విగ్రహంలో శివ కుటుంబం మొత్తం దర్శనమిస్తుంది.
స్వామి విగ్రహంలోని విశిష్టతని గురించి అక్కడ ప్రధాన అర్చకులు శ్రీ సీతారామమోహన్ శర్మగారు వివరించిన దాని ప్రకారము, స్వామి విగ్రహము సర్ప రూపంలో వుంటుంది. పీఠం నుండి సింహతలం వరకు స్వామి ఐదు రూపాలలో దర్శనమిస్తాడు. పీఠంలో శ్రీ చక్రము వున్నది. ఇది అమ్మవారి శక్తి స్వరూపాన్ని సూచిస్తుంది. శ్రీ చక్ర స్వరూపంలో వున్న అమ్మవారు రాహుగ్రహము యొక్క అధిష్టాన దేవత. సర్పం చివరభాగము శ్రీచక్రానికి 3 1/2 సార్లు చుట్టుకోవటం మానవ శరీరంలోని వెన్నెముక చివరిభాగం మూలాధారంలో కుండలిని శక్తి రూపంతో సర్పాకారంతో మూడున్నర చుట్లు కలిగి వుండటాన్ని సూచిస్తోంది అన్నారు. సర్ప రూపంలో క్రింద భాగము వక్రతుండ ఆకారంలో సుబ్రహ్మణ్యస్వామికి అన్నగారైన శ్రీ మహాగణపతి ఆకారంలో దర్శనమిస్తుంది. ఈ గణపతి స్వరూపం కేతుగ్రహ అధిష్టాన దేవత, మూలాధార చక్ర అధిదేవత. మూల విరాట్ లోని మధ్యభాగం శివలింగం ఆకారంతో దర్శనమిస్తుంది. ఈశ్వర స్వరూపం కాలస్వరూపుడు. కాలసర్ప అధిష్టానదేవత. ఆయన ఆయుష్యు, ఆరోగ్య ప్రదాత.
ఇంక పైన, ఏడు పడగలు విప్పిన నాగేంద్రుని రూపాన్ని దర్శించవచ్చు. విగ్రహం చివరి భాగంలో వున్న సింహధ్వజము నరసింహ స్వరూపంగా విష్ణు తత్వాన్ని సూచిస్తుంది. ఇది శ్రీకృష్ణదేవరాయ విజయనగర సామ్రాజ్య రాజముద్రగా భావింపబడుతోంది. స్వామికి ఇరువైపుల నెమలి పింఛాలతో కూడివున్న చక్రాలు స్వామివారి వాహనం మయూరాన్ని సూచిస్తుంది. అంతేకాదు కాలగమనంలో పంచ భూతాలు, సంవత్సర, ఆయన, ఋతు, మాస, పక్ష, తిధి, వార, నక్షత్రాలను సూచిస్తాయి. ఇవ్వన్నీ చూస్తే మూల విరాట్ శ్రీ సుబ్రహ్మణ్యేశ్వర స్వామి స్వరూపం పైన చెప్పిన విధంగా వివిధ శక్తి రూపాలతో వెలసి వుండటం, ఒకే విగ్రహంలో శివుడు, పార్వతి, గణపతి, నాగేంద్రుడు, ఇలా శివుని పరివారమంతా ఒకే చోట దర్శనము ఇచ్చే విధంగా వుండటంతో ఈ క్షేత్రానికి ప్రాముఖ్యత ఏర్పడింది.
ఎక్కడ ఉన్నది?
అనంతపురం జిల్లా, ఆత్మకూరు మండలంలో వున్న ఈ గ్రామానికి అనంతపురం నుంచి బస్సులు వున్నాయి. అనంతపురం నుంచి వెళ్ళి రావచ్చు.
కాంచిపురంను కంచి, కాంచి అని కూడా అంటారు. హిందువులకు మోక్షప్రదానమైన ఏడు నగరాల్లో కాంచీపురం ఒకటి. మోక్షభూమి, శక్తి భూమిగా ఈ క్షేత్రం ఎంతో పవిత్రమైనదిగా హిందువుల నమ్మకం. గరుడ పురాణం ప్రకారం మోక్షన్ని ఇచ్చే నగరాలు ఏడు అవి వరసగా అయోధ్య, మధుర, హరిద్వార్, కాశీ, అవంతికా, ద్వారక, కంచి. కాంచీపురం “ద గోల్డెన్ సిటి ఆఫ్ 1000 టెంపుల్స్”. అంత ప్రాముఖ్యత కలిగిన ఈ నగరంలో అడుగడుగునా దేవాలయాలే దర్శనమిస్తాయి.
కాంచీపురంలో శ్రీ కామాక్షి దేవి కొలువుదీరి ఉంది. శ్రీ కామాక్షిదేవిని “కామాక్షి తాయి” అని , “కామాక్షి అమ్మణ్ణ్ ” అని కూడా పిలుస్తారు. కాంచీపురంలో భగవత్ శ్రీ ఆదిశంకరాచార్యులుచే స్థాపించబడిన కంచి కామకోటి పీఠం శ్రీ కామాక్షిదేవి ఆలయం ప్రక్కనే ఉంది. పంచభూత స్థలాలలో ఒకటైన, ఏకాంబరేశ్వరుడు “పృథ్వి లింగం” గా కొలువుదీరిన క్షేత్రమే కాంచీపురం. పరమశివుడు 16 పట్టల లింగంగా కొలువుదీరిన కైలాసనాథార్ ఆలయం కాంచీపురంలోనే ఉంది. 16 పట్టలు 16 కళలు అని ప్రతీతి. శ్రీవైష్ణవులకు పరమపవిత్రమైన 108 దివ్య దేశాలలొ, 14 దివ్య దేశాలు కాంచీపురంలో కొలువుదీరి ఉన్నాయి. శైవులకు, శాక్తేయులకు, వైష్ణవులకు పరమపవిత్రమైన క్షేత్రం కాంచీపురం.
ఏకాంబరేశ్వరుడు దేవాలయం ఉన్న ప్రాంతాన్ని శివకంచి అని వరదరాజ పెరుమాళ్ దేవాలయం ఉన్న ప్రాంతాన్ని విష్ణుకంచి అని పిలుస్తారు, ఈ రెండు ప్రాంతాల మధ్య కామక్షి అమ్మ వారి ఆలయం. కాంచీపురం ఎన్నో సుప్రసిద్ధ దేవాలయాలకు చిరునామా. అవేవి సాధారణమైన గుడులు కాదు, ఎంతో గొప్ప చరిత్ర, అంతే గొప్పగా మలచిన శిల్ప కళా సౌందర్యం వాటి సొంతం. అటు వైష్ణవాలయాలు, ఇటు శైవాలయాలు, అష్టాదశ పీఠాల్లో ఒకటైన కామాక్షీ ఆలయాలతో ఎంతో ప్రాశస్త్యం ఉంది ఈ నగరానికి.
పార్వతిపరమేశ్వరుల గారాలపట్టియైన సుబ్రహ్మణ్యస్వామి వారిద్దరికీ మధ్యలో ఉన్నప్పుడు ఆయనను సోమస్కంధుడు అంటారు. కుమారకొట్టం ఆలయం కూడా కామాక్షిదేవి, ఏకాంబరేశ్వరుడు దేవాలయాల మధ్యలో ఉంటుంది. సంస్కృత స్కాందపురాణాన్ని 1625లో కచిప్ప శివాచార్య ఈ ఆలయంలో కూర్చుని తమిళంలో కందపురాణం పేరుతో అనువదించారు. ఈ కందపురాణం కావ్య ఆవిష్కరణ సమయమున పండితులమధ్య సభామండపంలో శ్రీ కుమారస్వామి ప్రత్యక్షమై కందపురాణం ఆవిష్కారించడం జరిగింది. ప్రస్తుత ఆలయమును 1915 లో నిర్మించారు. కుమారకొట్టం సుబ్రహ్మణ్యేశ్వర స్వామి వారి ఆలయం కంచి కామకోటి మఠం వెనకాల కలదు. ఆలయంపై ప్రాంగణం చుట్టూరా చెక్కిన నెమలి బొమ్మలు అలరిస్తాయి. ఆలయం లోపల ముగ్ధ మనోహరంగా బాల మురుగన్ చూడచక్కని రూపం లో దర్శమిస్తాడు.
ఎక్కడ ఉన్నది?
చెన్నై నుంచి దాదాపు 72 కిలోమీటర్ల దూరంలో ఉంది కంచి. తిరుపతి మరియు తిరుమల నుంచి బస్సు సౌకర్యం ఉంది. కంచి నుంచి తిరుపతి 3 -4 గంటల ప్రయాణం. కంచి నుంచి శ్రీపురం గోల్డెన్ టెంపుల్ 2 -3 గంటల ప్రయాణం. బస్సు సౌకర్యం ఉంది.
బ్రహ్మశ్రీ చాగంటి కోటేశ్వరరావు గారి ప్రవచనము నుంచి (కుమారకొట్టం గురుంచి)…
కంచి కుమారకొట్టం శ్రీ సుబ్రహ్మణ్య స్వామి ఆలయం కోసం, ► గుర్తు ఉన్న బొమ్మ మీద క్లిక్ చేయగలరు:
“ఖాండ షష్ఠి” పర్వదినంలో భాగమైన “శూర సంహారం” అనే వేడుకను చూడడం కోసం ఎంతోమంది భక్తులు తరలివస్తున్నారంటే అతిశయోక్తి కాదు.
శూరసంహారమనే వేడుక వెనుక ఒక ఆసక్తికరమైన కథనం ఉంది. పూర్వకాలంలో విక్రమమహేంద్రపురి అనే నగరాన్ని శూరపద్ముడనే రాక్షసుడు పరిపాలించేవాడట. సజ్జనులను, బ్రాహ్మణులను అనేక కష్టాలకు గురిచేసే ఆ అసురరాజును సంహరించేందుకు సాక్షాత్తూ ఆ కార్తికేయుడే సిద్ధమయ్యాడు. తన వేలాయుధంతో భీకర పోరుకి సన్నద్ధమయ్యాడు. ఆ పోరాటంలో ఆఖరికి శివపుత్రుడినే విజయం వరించింది.
ఇక ప్రాణాలు పోతాయన్న ఆ సందర్భంలో శూరపద్ముడు సుబ్రహ్మణ్యుడి పాదాల చెంత వాలిపోతూ, తన జన్మ చరితార్థమయ్యేలా చూడమని కోరాడట. అప్పుడు నెమలిగా మారి తన వాహనంగా ఎల్లకాలం సేవలందించమని చెబుతాడు సుబ్రహ్మణ్యేశ్వరుడు. ఆ విధంగా ఓ రాక్షసరాజు సాక్షాత్తు ఆ సుబ్రహ్మణ్యేశ్వరునికి వాహనంగా మారిన రోజునే శూర సంహారంగా ఇప్పటికీ జరుపుకుంటున్నారు ప్రజలు.
దేవసేనానిగా వ్యవహరించి రాక్షసుడు శూరపద్ముడిని సంహరించాడు. ఈ సంహారం కోసం ఆయన పలు రణశిబిరాలను ఏర్పాటుచేశాడు. ఈ శిబిరాల్లో ముఖ్యమైనవి ఆరు. వాటిని ఆరు పడై వీడు అంటారు. ఈ ఆరు క్షేత్రాలు తమిళనాడులోనే వున్నాయి. అవి స్వామిమలై, పళని, పళముదిర్చోళై, తిరుప్పరన్‌ కుండ్రం, తిరుచెందూరు, తిరుత్తణి.
“ఖాండ షష్టి” పండగలో భాగమైన ఈ వేడుకను మధురైతో పాటు పళని, తిరుప్పరన్‌ కుండ్రం, తిరుచెందూరు ప్రాంతాల్లోని సుబ్రహ్మణ్య దేవాలయాల్లో చాలా ఘనంగా జరుపుకుంటూ ఉంటారు. తిరుప్పరన్‌కుండ్రంలో బంగారు నెమలి మీద ఆసీనుడైన సుబ్రహ్మణ్యస్వామిను వూరేగిస్తూ చేసే శూర సంహార వేడుక కన్నులపండువగా సాగుతుంది. ఈ సందర్భంగా ప్రత్యేక పూజలు, దీపారాధనలు చేస్తారు. ఆరు రోజుల పాటు జరిగే ఈ పర్వదిన ముగింపు వేడుకలు తిరుచెందూరులో చాలా ఘనంగా జరుగుతాయి.
తిరుచెందూర్ – శూరసంహారం (29.10.2014)వివరాలకై, ► గుర్తు ఉన్న బొమ్మ మీద క్లిక్ చేయగలరు:
